அரசுப் பள்ளிகளில் மாணவர்களின் கற்றல் அடைவை மேம்படுத்த திறன் திட்டம்!

அரசுப் பள்ளிகளில் மாணவர்களின் கற்றல் அடைவை மேம்படுத்த திறன் திட்டம்!

திறன் திட்டம் - அரசு பள்ளி மாணவர்களின் கற்றல் மேம்பாடு

அரசுப் பள்ளிகளில் 6 முதல் 8-ம் வகுப்பு மாணவர்களின் கற்றல் அடைவை மேம்படுத்த “திறன்” எனும் புதிய திட்டம் செயல்படுத்தப்பட உள்ளது.

ஒருங்கிணைந்த பள்ளிக் கல்வி இயக்குநரகம் சமீபத்தில் அலுவலர்களுக்கான இணையவழி ஆலோசனைக் கூட்டம் ஒன்றை நடத்தியது. இதில் துறை இயக்குநர்கள் மற்றும் இணை இயக்குநர்களுக்கு பல்வேறு அறிவுறுத்தல்கள் வழங்கப்பட்டன.

மாநில அடைவுத் திறன் தேர்வு (SLAS)

மாணவர்களுக்கான மாநில அடைவுத் திறன் தேர்வின் மதிப்பெண்கள் EMIS இணையதளத்தில் வெளியிடப்பட்டுள்ளன. இவை தலைமையாசிரியர்களும், கல்வி அலுவலர்களும் கவனிக்க வேண்டும்.

📌 பள்ளிகள் மற்றும் வட்டார அளவிலான அறிக்கைகள் பரிசீலித்து, அடுத்த கல்வியாண்டுக்கான செயல் திட்டம் ஜூன் மாத முதல் வார கூட்டத்தில் சமர்ப்பிக்க வேண்டும்.

முக்கிய அறிவுறுத்தல்கள்:

• மாதந்தோறும் மாவட்ட ஆட்சியர் தலைமையில் நடைபெறும் கூட்டங்களில் திட்ட முன்னேற்றம் விவாதிக்க வேண்டும்.
• மாநில அடைவுத் திறன் தேர்வு ஆண்டுதோறும் நடத்தப்படும்.
• இந்தத் தேர்வுகள் ஹைடெக் லேப்கள் மூலமாக நடத்தப்படும்.

“திறன்” திட்டம் செயல்பாடு:

அடுத்த 6 மாதங்களுக்கு 6 முதல் 8-ம் வகுப்பு மாணவர்களின் கற்றல் வளர்ச்சிக்காக “திறன்” திட்டம் செயல்படுத்தப்படும். இதற்கான கையேடுகள் மாணவர்கள் மற்றும் ஆசிரியர்களுக்கு வழங்கப்படும்.

திட்டத்தை சிறப்பாக செயல்படுத்த மாவட்ட அளவில் 15 பேர் கொண்ட குழு முதன்மைக் கல்வி அலுவலர் தலைமையில் அமைக்கப்படும்.