We kindly request you to send your district's question papers to us via email at akwaacademy@gmail.com. Your contribution will help us build a comprehensive resource for everyone's benefit. Thank you for your cooperation and support!
தங்கள் மாவட்டத்தின் கேள்விப் பதிவுகளை akwaacademy@gmail.com மின்னஞ்சல் மூலமாக எங்களுக்கு அனுப்புமாறு அன்புடன் கேட்டுக்கொள்கிறோம். உங்கள் பங்களிப்பு அனைவருக்கும் பயன்படக்கூடிய வளத்தை உருவாக்க உதவும். உங்கள் ஒத்துழைப்புக்கும் ஆதரவுக்கும் நன்றி!
ஊரக திறனாய்வு தேர்வு மீண்டும் ஒத்திவைப்பு
அதிகாரிகள் தகவல்
வேலூர், ஜன.28: தமிழகத்தில் கிராமப்புற மாணவர்களின் நலனுக்காக, ஊரக திறனாய்வு திட்டத்தின் கீழ் உதவித்தொகை வழங்கப்பட்டு வருகிறது. இத்திட்டத்தின் கீழ், ஊரக பகுதிகளில் 9ம் வகுப்பு படிக்கும் மாணவர்களுக்கு தேர்வு நடத்தப்படுகிறது. இதன்மூலம் ஒவ்வொரு மாவட்டத்திற்கும் 50 மாணவர்கள், 50 மாணவிகள் என மொத்தம் 100 பேர் தேர்வு செய்யப்பட்டு, அவர்களுக்கு 9ம் வகுப்பு முதல் 12ம் வகுப்பு வரை ஆண்டுதோறும் ₹1,000 வீதம் மொத்தம் ₹4,000 படிப்புதவித்தொகையாக வழங்கப்படும்.
அதன்படி, வரும் 8ம் தேதி திறனாய்வு தேர்வு நடத்தப்படும் என தேர்வுகள் இயக்ககம் அறிவித்துள்ளது. இதுதொடர்பாக, அரசுத்தேர்வுகள் இயக்குநர் லதா வெளியிட்டுள்ள சுற்றறிக்கையில் கூறியிருப்பதாவது: தமிழ்நாடு ஊரகத் திறனாய்வுத் தேர்வு வரும் வரு 1ம் தேதி நடைபெறுவதாக தெரிவிக்கப்பட்டது.
தற்போது பாரத சாரணியர் இயக்கத்தின் வைரவிழா இன்று (28ம் தேதி) முதல் வரும் 3ம் தேதி வரை திருச்சி மாவட்டம் மணப்பாறையில் நடைபெறவுள்ளதால், மாணவர்கள் தேர்வு பணியில் ஈடுபட முடியாத சூழ்நிலை உள்ளது. எனவே, மாணவர்களின் நலன் கருதி, ஊரகத் திறனாய்வு தேர்வு வரும் 8ம் தேதியன்று நடைபெறும். தேர்வு தேதி மாற்றம் குறித்த விவரத்தை, விண்ணப்பித்த மாணவர்கள் அறியும் வகையில், தங்கள் ஆளுகைக்கு உட்பட்ட அனைத்து அரசுப்பள்ளித் தலைமை ஆசிரியர்களும் உரிய நடவடிக்கை மேற்கொள்ள, மாவட்ட முதன்மை கல்வி அலுவலர்கள் அறிவுரைகளை வழங்க வேண்டும்.
மேலும், புதிய தேர்வுக்கூட நுழைவுச்சீட்டுகளை, வரும் 3ம் தேதி பிற்பகல் முதல் சம்பந்தப்பட்ட பள்ளித் தலைமை ஆசிரியர்கள் பதிவிறக்கம் செய்து, அவர்தம் மாணவர்களுக்கு வழங்க அறிவுறுத்த வேண்டும். மேலும், தேர்வு மைய முதன்மைக் கண்காணிப்பாளர்கள் புதிய பெயர் பட்டியலை பதிவிறக்கம் செய்ய அறிவுறுத்த வேண்டும். இவ்வாறு அதில் கூறப்பட்டுள்ளது.
க.வி.குப்பம்
10 வயது சிறுமிக்கு கண் பார்வை இழப்பு
28.1.2025 / வேலூர் - Dinakaran
